തിരൂര്‍: തിരൂര്‍ ബ്ലോക്ക്തലത്തിലെ മികച്ച യുവജനസംഘത്തിനുള്ള പ്രഥമ നെഹ്‌റു യുവകേന്ദ്ര പുരസ്‌കാരം ചേന്നര പെരുന്തിരുത്തി സഡാക്കോ നേച്ചര്‍ ക്ലബിന്. 8000 രൂപയും പ്രശസ്തിപത്രവുമാണ് പുരസ്‌കാരം. പരിസ്ഥിതി സംരക്ഷണപദ്ധതികളും ആരോഗ്യ-ശുചീകരണപ്രവൃത്തികളും വര്‍ഷംതോറും നടത്തിവരുന്ന ഗ്രാമോത്സവവുമാണ് ക്ലബിനെ അവാര്‍ഡിനര്‍ഹമാക്കിയത്. ദശവാര്‍ഷികാഘോഷത്തിന്റെ ഭാഗമായി ക്ലബ് വൈവിധ്യങ്ങളായ പദ്ധതികള്‍ക്ക് തുടക്കം കുറിച്ചിട്ടുണ്ട്. '
അവാര്‍ഡ് വിതരണം കലക്ടറേറ്റ് ഹാളില്‍ നടന്ന ചടങ്ങില്‍ നിയമസഭാസ്പീക്കര്‍ പി ശ്രീരാമകൃഷ്ണന്‍ നിര്‍വഹിച്ചു. ജില്ലാ കലക്ടര്‍ എ ഷൈനാമോള്‍, ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, നെഹ്‌റു യുവകേന്ദ്ര ജില്ലാ യൂത്ത് കോഡിനേറ്റര്‍ കെ കുഞ്ഞഹമ്മദ് എന്നിവര്‍ ചടങ്ങില്‍ സംബന്ധിച്ചു. ക്ലബ് സെക്രട്ടറി സി.പി റിഫാ ഷെലീസ്, ഭാരവാഹികളായ ആര്‍.എം റഷീദ്, കെ.വി മുഹമ്മദ് ബാവ, എന്‍.വൈ.കെ വളണ്ടിയര്‍ ശ്രീവിദ്യ എന്നിവര്‍ ചേര്‍ന്ന് പുരസ്‌കാരം ഏറ്റുവാങ്ങി.