കോവളം: വെളളായണി കാര്‍ഷിക കോളേജ് ഇന്‍ഡോര്‍ സ്റ്റേഡിയത്തില്‍ നടന്ന 35ാമത് സംസ്ഥാന സബ് ജൂനിയര്‍ ജൂഡോ ചാമ്പ്യന്‍ഷിപ്പില്‍ എറണാകുളം ജില്ല ജേതാക്കളായി.
എട്ട് സ്വര്‍ണത്തോടെയാണ് എറണാകുളം ഒന്നാം സ്ഥാനക്കാരായത്. കേരള സ്‌പോര്‍ട്‌സ് കൗണ്‍സില്‍ സെക്രട്ടറി സഞ്ജയ്കുമാര്‍ ട്രോഫികള്‍ വിതരണം ചെയ്തു. സ്റ്റേറ്റ് ജൂഡോ അസോസിയേഷന്‍ പ്രസിഡന്റ് ശ്രീകുമാര്‍, കേരള സ്‌പോര്‍ട്‌സ് കൗണ്‍സില്‍ ഭരണസമിതി അംഗങ്ങളായ വിജയകുമാര്‍, ശശിധരന്‍ നായര്‍, ഡോ.ടി.ഐ.മനോജ്, വെള്ളായണി അയ്യങ്കാളി ഗവ.സ്‌പോര്‍ടസ് സ്‌കൂള്‍ സൂപ്രണ്ട് ശ്രീകുമാര്‍, കുസാറ്റ് അസി.ഡയറക്ടര്‍ അജിത് മോഹന്‍ എന്നിവര്‍ ചടങ്ങില്‍ സംബന്ധിച്ചു.