കോഴിക്കോട്: വിദ്യാഭ്യാസ - സാമൂഹിക - സാംസ്‌കാരിക- സാന്ത്വന മേഖലകളില്‍ പ്രവര്‍ത്തിക്കുന്ന പ്രമുഖ വ്യക്തിക്കും, സാന്ത്വന മേഖലകളില്‍ പ്രശസ്ത സേവനം അനുഷ്ഠിക്കുന്ന അധ്യാപകനും, അക്കാദമിക -അക്കാദമികേതര മേഖലകളില്‍ മികവ് തെളിയിച്ച വിദ്യാര്‍ഥിക്കും കെ.എസ്.ടി.യു നല്‍കി വരുന്ന 4-ാം മത് ശിഹാബ് തങ്ങള്‍ അവാര്‍ഡ് ദാനവും ദേശീയ വിദ്യാഭ്യാസ സെമിനാറും ഒക്‌ടോബര്‍ 22ന് തൃശൂരില്‍ സംഘടിപ്പിക്കും. സംസ്ഥാന മുസ്‌ലിം ലീഗ് പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡുകള്‍ വിതരണം ചെയ്യും. മുന്‍ വ്യവസായ ഐ.ടി വകുപ്പ് മന്ത്രി പി.കെ കുഞ്ഞാലിക്കുട്ടി അധ്യക്ഷനാകും. ഉപജില്ലാ, വിദ്യാഭ്യാസ ജില്ല, ജില്ലാ കമ്മിറ്റികള്‍ നല്‍കുന്ന നിര്‍ദേശങ്ങളില്‍ നിന്നാണ് അവാര്‍ഡ് ജേതാക്കളെ കണ്ടെത്തുന്നത്. ഒക്‌ടോബര്‍ അഞ്ചിനകം സംസ്ഥാന കമ്മിറ്റിക്ക് നിര്‍ദേശങ്ങള്‍ ലഭിക്കത്തക്കവിധം എന്‍ട്രികള്‍ സ്വീകരിക്കും.