കൊച്ചി: സഹോദരന്‍ അയ്യപ്പന്റെ നേതൃത്വത്തില്‍ നടന്ന മിശ്രഭോജനത്തിന്റെ വാര്‍ഷികം പ്രമാണിച്ച് ശ്രീനാരായണ മതാതീത ആത്മീയകേന്ദ്രം ഏര്‍പ്പെടുത്തിയ മിശ്രഭോജന ശതാബ്ദി പുരസ്‌ക്കാരം കൊച്ചി ആസ്ഥാനമായി പ്രവര്‍ത്തിക്കുന്ന ഫെയ്‌സിന്റെ സ്ഥാപകന്‍ ടി.ആര്‍ ദേവന് നല്‍കാന്‍ തീരുമാനിച്ചതായി സെക്രട്ടറി വാവരമ്പലം സുരേന്ദ്രന്‍ അറിയിച്ചു.
വര്‍ഷങ്ങളായി കൊച്ചിയിലെ തെരുവുമക്കള്‍ക്ക് ഉച്ചഭക്ഷണം നല്‍കുന്ന സംഘടനയാണ് ഫൗണ്ടേഷന്‍ ഫോര്‍ അന്നം ചാരിറ്റി എന്ന ഫെയ്‌സ്. 15000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌ക്കാരം. 26ന് തിരുവനന്തപുരം ഒളിമ്പിയന്‍സ് ചേമ്പേഴ്‌സ് ഹാളില്‍ നടക്കുന്ന മിശ്രഭോജനത്തിന്റെ വാര്‍ഷിക സമ്മേളനത്തില്‍ വെച്ച് പുരസ്‌ക്കാരം സമ്മാനിക്കും.