അമ്പലപ്പുഴ: മത്സ്യബന്ധനത്തിനിടെ വളളം തകര്‍ന്ന് ആറു തൊഴിലാളികള്‍ക്ക് പരുക്ക്. അമ്പലപ്പുഴ കോമന പുതുവല്‍ കാര്‍ത്തികേയന്റെ വിശാഖം എന്ന ഡിസ്‌കോവളളമാണ് ഇന്നലെ  രാവിലെ 7ഓടെ വണ്ടാനംഭാഗത്തുവെച്ച് തകര്‍ന്നത്.  വളളത്തില്‍ ആകെ 16 തൊഴിലാളികള്‍ ഉണ്ടായിരുന്നു. ഇവരെ മറ്റ് വളളങ്ങളിലെ തൊഴിലാളികളാണ് രക്ഷപെടുത്തിയത്. 2 എഞ്ചിനും, എക്കോ സൗണ്ടരപ് ക്യാമറയും വലയും എണ്ണയും അപകടത്തില്‍ നഷ്ടപ്പെട്ടു. ഏകദേശം 3 ലക്ഷം രൂപയുടെ നഷ്ടം കണക്കാക്കുന്നതായി ഉടമ പറഞ്ഞു.