ശ്രീനഗര്‍: ഇന്ത്യന്‍ വ്യോമസേനയുടെ മിഗ്-21 വിമാനം ശ്രീനഗറില്‍ ലാന്‍ഡിങിനിടെ റണ്‍വേയില്‍ നിന്നും തെന്നിമാറി. 200 മീറ്ററോളം ദൂരം തെന്നിമാറിയെങ്കിലും ആളപായമൊന്നും സംഭവിച്ചിട്ടില്ല. ഇന്ന് ഉച്ചയോടെയാണ് സംഭവം നടന്നത്.

പൈലറ്റും പരിക്കുകള്‍ കൂടാതെ രക്ഷപ്പെട്ടു. വിമാനത്തിന് കാര്യമായ കേടുപാടില്ലെന്നാണ് റിപ്പോര്‍ട്ട്.വിമാനത്തിന് സാങ്കേതിക തകരാറുകള്‍ ശ്രദ്ധയില്‍ പെട്ടതിനാല്‍ അടിയന്തരലാന്‍ഡിങ് നടത്തുകയായിരുന്നു.

അപകടത്തില്‍ റണ്‍വേയ്ക്ക് തകരാറുകള്‍ സംഭവിച്ചതിനാല്‍ ശ്രീനഗറില്‍ നിന്നുള്ള വിമാന സര്‍വീസുകള്‍ നിര്‍ത്തിവച്ചു.