കണ്ണൂര്‍: പട്ടികജാതി ക്ഷേമസമിതി സംഘടിപ്പിക്കുന്ന സ്വാഭിമാന്‍ സംഗമത്തില്‍ ഗുജറാത്തിലെ ഉനയില്‍ ഗോസംരക്ഷണ സേനയുടെ അക്രമത്തിനിരയായ ദലിത് യുവാക്കളും പങ്കെടുക്കുന്നു.
വശ്രാം സര്‍വ്വയ്യ, കിഷോര്‍ സംഘട്ട്, ജീത്തു സര്‍വ്വയ്യ,സഞ്ജയ് സന്ദോര്‍വ്വ, കെവല്‍സിംഗ് റാത്തോഡ്  എന്നിവരാണ് ദലിത് പ്രക്ഷോഭങ്ങള്‍ക്കു പിന്തുണ നല്‍കുന്നതിനായി സംഘടിപ്പിക്കുന്ന പരിപാടിയില്‍ പങ്കെടുക്കാനെത്തിയിരിക്കുന്നത്. ഉനയില്‍ പരമ്പരാഗതമായി ചത്ത പശുവിന്റെ തോല്‍ സംസ്‌കരിക്കുന്ന ജോലിയില്‍ ഏര്‍പ്പെട്ട ദലിതരെ ആര്‍.എസ്.എസ് നേതൃത്വത്തിലുള്ള ഗോസംരക്ഷണ സേനക്കാര്‍ മര്‍ദിക്കുന്ന വീഡിയോ നേരത്തെ പുറത്തുവന്നിരുന്നു.
ഇത്തരത്തില്‍ മര്‍ദനമേറ്റവരാണ് പി.കെ.എസ് പരിപാടിയില്‍ പങ്കെടുക്കുന്നതിനായി എത്തിയിരിക്കുന്നത്. ഗുജറാത്തില്‍ നിന്നുള്ള അശോക് മോച്ചിയും സംഗമത്തില്‍ പങ്കെടുക്കുന്നുണ്ട്.