കുമളി: പ്രായപൂര്‍ത്തിയാകാത്ത പെണ്‍കുട്ടിയെ സ്‌നേഹം നടിച്ച് ഗര്‍ഭിണിയാക്കിയ ശേഷം യുവാവ് ഉപേക്ഷിച്ചു. കുമളി ഒട്ടകത്തലമേട് സ്വദേശി ടിന്റൊയ്‌ക്കെതിരെയാണ് അണക്കര സ്വദേശിയായ പെണ്‍കുട്ടിയുടെ ബന്ധുക്കള്‍ പരാതി നല്‍കിയത്.
കഴിഞ്ഞ വര്‍ഷമാണ് പരാതിക്കടിസ്ഥാനമായ സംഭവം നടന്നത്. പ്ലസ് ടു വിദ്യാര്‍ഥിനിയായ പെണ്‍കുട്ടി സ്‌കൂളില്‍ പോകുന്ന സമയത്ത് വര്‍ക് ഷോപ്പ് ജീവനക്കാരനായ ടിന്റോ പരിചയപ്പെടുകയായിരുന്നു.തുടര്‍ന്ന് സ്‌നേഹം നടിച്ച് ഇയാള്‍ പെണ്‍കുട്ടിയെ വശീകരിക്കുകയും ലൈംഗികമായി പീഡിപ്പിക്കുകയുമായിരുന്നു.പെണ്‍കുട്ടി ഗര്‍ഭിണിയായി. ബന്ധുക്കള്‍ ടിന്റോയുടെ ബന്ധുക്കളെ സമീപിച്ചപ്പോള്‍ ഇവരെ തമ്മില്‍ വിവാഹം കഴിപ്പിക്കാമെന്ന് ധാരണയായി. ഇതിനിടയില്‍ ഏതാനും ആഴ്ച മുമ്പ് പെണ്‍കുട്ടി പ്രസവിച്ചു. ഇതിനിടെ വിവാഹം കഴിക്കാന്‍ താല്‍പ്പര്യമില്ലെന്ന് ടിന്റോ അറിയിച്ചതിനെ തുടര്‍ന്ന് ബന്ധുക്കള്‍ ചൈല്‍ഡ് ലൈനിലും കുമളി പോലിസിലും പരാതി നല്‍കുകയായിരുന്നു.കട്ടപ്പന വനിതാ എസ്.ഐ പെണ്‍കുട്ടിയില്‍ നിന്നും മൊഴിയെടുത്തു. ഒളിവില്‍ പോയ പ്രതിക്കായി കുമളി സര്‍ക്കിള്‍ ഇന്‍സ്‌പെക്ടര്‍ ടി പി പ്രദീപ്കുമാറിന്റെ നേതൃത്വത്തില്‍ അന്വേഷണം ആരംഭിച്ചു.