പട്ടാമ്പി: പട്ടാമ്പി എക്‌സൈസ് റെയ്ഞ്ച് പാര്‍ട്ടിയുടെ നേതൃത്വത്തില്‍ നടന്ന റെയ്ഡില്‍ ആമയൂര്‍, നെടുമ്പ്രക്കാട് കടുകുന്നത്തുള്ള തെങ്ങിന്‍ തോപ്പില്‍ നിന്നും 42 ലിറ്റര്‍ വിദേശ മദ്യവും 13 കിലോ ചന്ദനവും പിടികൂടി. ഏകദേശം 25000 രൂപ വില വരുന്ന മദ്യവും 50000 രൂപ വിലവരുന്ന ചന്ദനവുമാണ് പിടികൂടിയത്.
അംഗീകൃത മദ്യ വില്‍പ്പനയില്ലാത്ത ദിവസങ്ങളില്‍ വില്‍പ്പനക്കായി കരുതിയിരുന്ന 88 കുപ്പികളിലായി ശേഖരിച്ച നിലയിലായിരുന്നു മദ്യകുപ്പികളെന്ന് പ്രിവെന്റ് ഓഫളസര്‍മാരായ എസ് ഗോപാലകൃഷ്ണന്‍, കെ വസന്തകുമാര്‍ എന്നിവര്‍ വ്യക്തമാക്കി. പട്ടാമ്പി റെയ്ഞ്ചിലെ സിവില്‍ എക്‌സൈസ് ഓഫിസര്‍മാരായ ബെന്നി, കെ സെബാസ്റ്റ്യന്‍, ജിജോയ്, ഹരിദാസ്, പൊന്നുവാവ റെയ്ഡില്‍ പങ്കെടുത്തു.