അന്തിക്കാട്: വിദേശമദ്യം വില്‍പ്പന നടത്തിയ യുവാവിനെ തൃശൂര്‍ എക്‌സൈസ് സ്‌പെഷ്യല്‍ സ്‌ക്വാഡ് പിടികൂടി. കാരമുക്ക് പാലാഴി സ്വദേശി 47 വയസ്സുള്ള വാഴപ്പിള്ളി വീട്ടില്‍ സന്തോഷിനെയാണ് പ്രിവന്റീവ് ഓഫിസര്‍ കെ.വി ബാബുവിന്റെ നേതൃത്വത്തിലുള്ള എക്‌സൈസ് വിഭാഗം അറസ്റ്റ് ചെയ്തത്.
ഇയാളില്‍ നിന്ന് ഒന്നര ലിറ്റര്‍ വിദേശമദ്യവും 350 രൂപയും കണ്ടെടുത്തു. പെരിങ്ങോട്ടുകര മണ്ടേല റോഡ് പരിസരത്ത് നിന്നാണ് സന്തോഷിനെ പിടികൂടിയത്. തൊണ്ണൂറ് ദിവസം വരെ റിമാന്റില്‍ പോകാവുന്ന കുറ്റമാണ് ഇതെന്നും എക്‌സൈസ് വിഭാഗം പറഞ്ഞു. പ്രിവന്റീവ് ഓഫിസറെ കൂടാതെ സി.പി.ഒമാരായ ബിനോജ്, ഗിരിധരന്‍, ഷാജി എന്നിവരും പ്രതിയെ പിടികൂടിയ സംഘത്തില്‍ ഉണ്ടായിരുന്നു.