പയ്യന്നൂര്‍: ആഘോഷങ്ങളെ വരുതിയിലാക്കുന്നവര്‍ സമൂഹത്തെ ഫാസിസത്തിലേക്ക് നയിക്കുകയാണെന്ന് വി.ടി ബല്‍റാം എം.എല്‍.എ. സ്വാതന്ത്ര്യസമര രക്തസാക്ഷി എ കുഞ്ഞിരാമന്‍ അടിയോടിയുടെ 86ാമത് രക്തസാക്ഷിത്വ വാര്‍ഷികാചരണം പയ്യന്നൂര്‍ ഗവ.ബോയ്‌സ് ഹൈസ്‌കൂളില്‍ ഉദ്ഘാടനം ചെയ്യുകയായിരുന്നു അദ്ദേഹം.
സര്‍വര്‍ക്കറുടെ ആശയങ്ങളാണ് രാജ്യം ഭരിക്കുന്നവര്‍ പിന്തുടരുന്നത്. എല്ലാ മിത്തുകളും ആഘോഷിക്കാം. എന്നാല്‍ ഒന്നു മാത്രമാണ് ശരി എന്ന ചിന്തയാണ് മാറേണ്ടതെന്നും അദ്ദേഹം പറഞ്ഞു. പ്രൊഫ. ബി മുഹമ്മദ് അഹമ്മദ് അധ്യക്ഷനായി. അഡ്വ.ഡി.കെ ഗോപിനാഥ്, വി.എന്‍ എരിപുരം, അഡ്വ. കെ ബ്രിജേഷ് കുമാര്‍, കെ.കെ ഫല്‍ഗുനന്‍, കെ.ജയരാജ്, വി.സി നാരായണന്‍, എ.വി.ഗോവിന്ദന്‍ അടിയോടി, സുമിത്രന്‍ അടിയോടി സംസാരിച്ചു.