അരീക്കോട്: കിണറിനു സമീപം മാലിന്യം തള്ളിയവരെ നാട്ടുകാര്‍ പിടികൂടി പൊലിസിലേല്‍പ്പിച്ചു. അരീക്കോട് കാരിപറമ്പില്‍ ഇന്നലെ രാവിലെയാണ് സംഭവം. ഒളവണ്ണ സ്വദേശികളായ മുസ്തഫ, ബഷീര്‍ എന്നിവരെ അരീക്കോട് പൊലിസ് അറസ്റ്റ് ചെയ്തു.
വിവിധ  മത്സ്യ മാര്‍ക്കറ്റുകളില്‍നിന്നുള്ള ദുര്‍ഗന്ധംവമിക്കുന്ന മാലിന്യങ്ങള്‍ കാരിപറമ്പിലെ പഞ്ചായത്തു കിണറിനു സമീപമാണ് തള്ളിയത്. ഇവിടെ മാലിന്യം നിക്ഷേപിക്കുന്നതു പതിവായതോടെ മാലിന്യവുമായി പരിസരത്തെത്തുന്നവരെ പിടികൂടാന്‍ നാട്ടുകാര്‍ തീരുമാനിച്ചിരുന്നു.
ഇനന്‌ലെയും മാലിന്യം തള്ളിയതറിഞ്ഞ നാട്ടുകാര്‍ സംഘം ചേര്‍ന്ന് പ്രതികളെ പിടികൂടുകയും മാലിന്യങ്ങള്‍ നീക്കംചെയ്യിപ്പിക്കുകയും ചെയ്തു.
അരീക്കോടിന്റെ വിവിധ ഭാഗങ്ങളില്‍ മാലിന്യശല്യം വ്യാപകമായിട്ടുണ്ട്. മാലിന്യം നിറച്ചെത്തിയ ടിപ്പര്‍ ലോറിയും പൊലിസ് പിടികൂടിയിട്ടുണ്ട്.