എ.ആര്‍ നഗര്‍: അന്താരാഷ്ട്ര സമാധാനദിനത്തോടനുബന്ധിച്ച് കുറ്റൂര്‍ നോര്‍ത്ത് കുഞ്ഞിമൊയ്തു മെമ്മോറിയല്‍ ഹയര്‍സെക്കന്‍ഡറി സ്‌കൂള്‍ നാഷണല്‍ സ്‌കീമും കള്‍ച്ചറല്‍ ക്ലബും സംയുക്തമായി വീരജവാന്‍മാര്‍ക്കുള്ള ബിഗ്‌സല്യൂട്ട് സംഘടിപ്പിച്ചു.
ക്ലബ് അംഗങ്ങളുടെ അസംബ്ലിയില്‍ ജി ശ്രീജിത്ത് അനുസ്മരണ പ്രഭാഷണം നടത്തി. കാശ്മീരിലെ ഉറിയിലുണ്ടായ ഭീകരാക്രമണത്തില്‍ വീരമൃത്യു വരിച്ച ജവാന്‍മാര്‍ക്ക് ആദരാഞ്ജലി അര്‍പ്പിച്ചാണ് ബിഗ് സല്യൂട്ട് സംഘടിപ്പിച്ചത്. കള്‍ച്ചറല്‍ ക്ലബ് കണ്‍വീനര്‍ കെ.പി.എം അസ്‌ലം, എന്‍.എസ്.എസ് കോഡിനേറ്റര്‍ യാസിര്‍ പൂവില്‍, വിദ്യാര്‍ഥി പ്രതിനിധികളായ വിപിഷ, അജിന്‍ സി പ്രകാശ്, വി.കെ തഷ്‌രിഫ, എം റംഷാദ് നേതൃത്വം നല്‍കി.