മലപ്പുറം: ലോക വയോജന ദിനാഘോഷം ജില്ലാതല പരിപാടി ഒക്‌ടോബര്‍ ഒന്നിന് മലപ്പുറം ടൗണ്‍ ഹാളില്‍ നടത്തും. പരിപാടികള്‍ വിജയകരമായി നടത്തുന്നിന്റെ ഭാഗമായി സ്വാഗതസംഘം രൂപീകരിച്ചു.
ജില്ലാ പഞ്ചായത്ത് പ്രസിഡന്റിന്റെ ചേമ്പറില്‍ ചേര്‍ന്ന യോഗത്തില്‍ പ്രസിഡന്റ് എ.പി ഉണ്ണികൃഷ്ണന്‍, വൈസ് പ്രസിഡന്റ് സക്കീന പുല്‍പ്പാടന്‍, നഗരസഭാ ചെയര്‍പേഴ്‌സണ്‍ സി.എച്ച് ജമീല, ജില്ലാ പഞ്ചായത്ത് അംഗങ്ങളായ വെട്ടം ആലിക്കോയ, ഇസ്മായില്‍ മുത്തേടം, ജില്ലാ സാമൂഹ്യ നീതി ഓഫീസര്‍ കെ.വി സുഭാഷ്‌കുമാര്‍, സാമൂഹ്യ സുരക്ഷാമിഷന്‍ കോഡിനേറ്റര്‍മാരായ സി.ടി നൗഫല്‍, കെ. ആബിദ, ജാഫര്‍, എ.ആര്‍ രജിത, കെ. അശ്വതി, വയോജന സംഘടനാ പ്രതിനിധികളായ കെ.ജെ ചെല്ലപ്പന്‍, പി. ശിവശങ്കരന്‍, കെ. മുഹമ്മദ് കുട്ടി, നാനാക്കല്‍ മുഹമ്മദ് എന്നിവര്‍ പങ്കെടുത്തു.