കരുളായി: 1969 സെപ്റ്റംബര്‍ 24നു രൂപംകൊ@ നാഷണന്‍ സര്‍വിസ് സ്‌കീമിന്റെ 47-ാമതു വാര്‍ഷിക ദിനാചരണം കരുളായി കെ.എം ഹയര്‍സെക്കന്‍ഡറി സ്‌കൂളില്‍ വിവിധ പരിപാടികളോടെ ആചരിച്ചു. രാവിലെ ഏഴരയോടെ സ്‌കൂള്‍ കോംപൗ@ില്‍ എന്‍.എസ്.എസിന്റെ ഔദ്യോഗിക പതാക സ്‌കൂള്‍ മാനേജര്‍ ടി.കെ മുഹമ്മദ് ഹാജി ഉയര്‍ത്തിയതോടെയാണു മൂന്നിന പരിപ്പാടികള്‍ക്ക് ആരംഭമായത്.
ശേഷം നടന്ന ചടങ്ങില്‍ വിവിധ പ്രവൃത്തികളുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് വി.അസൈനാര്‍ നിര്‍വഹിച്ചു. കൃഷി വ്യാപന സന്ദേശവുമായി നടത്തുന്ന നെല്‍കൃഷിക്കു നിലമൊരുക്കല്‍, ഔഷധ സസ്യോദ്യാനം ഒരുക്കല്‍, കരുളായി പാലിയേറ്റീവ് കെയര്‍ യൂനിറ്റിലെ കാലവധി തീര്‍ന്ന മരുന്നു നശിപ്പിക്കല്‍, പാലിയേറ്റീവ് വാഹനം വൃത്തിയാക്കല്‍, യൂനിറ്റ് സെന്റര്‍ ശുചീകരണം എന്നിവയാണു ദിനാചരണത്തിന്റെ ഭാഗമായി നടത്തിയത്.
പരിപാടികള്‍ക്കു മുന്നോടിയായി എന്‍.എസ്.എസ് ഗീതമാലപിച്ചു കരുളായി ടൗണിലൂടെ എന്‍.എസ്.എസ് സന്ദേശ റാലിയും നടത്തി. പി.ടി.എ പ്രസിഡന്റ് ചന്ദ്രഭാനു അധ്യക്ഷനായ പദ്ധതി ഉദ്ഘാടന ചടങ്ങില്‍ പ്രൊഗ്രാം ഓഫീസര്‍ എ.പി ദിലീഷ് ദിനാചരണ സന്ദേശ കൈമാറി. ജെ.രാധാകൃഷണന്‍ മുഖ്യ പ്രഭാഷണം നടത്തി. എന്‍.എസ്.എസ് വാള@ിയര്‍ ശ്രുതി പ്രസംഗിച്ചു. എന്‍.എസ്.എസ് ലീഡര്‍മാരായ ടി.പി ഹാഷില്‍, മുഹമ്മദ് ഷെമീല്‍, കെ.പി ഷംന റഹ്മാന്‍ എന്നിവര്‍ പരിപ്പാടികള്‍ക്കു നേതൃത്വം നല്‍കി.