കല്ല്യാശ്ശേരി: കല്ല്യാശ്ശേരി ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റ് പ്ലാസ്റ്റിക് രഹിത പാതയോരം എന്ന സന്ദേശം ഉയര്‍ത്തി ശുചീകരണം നടത്തി. സ്‌കൂളിന് സമീപത്ത് നിന്ന് രണ്ട് കിലോമീറ്റര്‍ ദേശീയപാതയോരത്തെ പ്ലാസ്റ്റിക്കുകള്‍ നീക്കം ചെയ്ത് കല്ല്യാശ്ശേരി ക്ലീന്‍ സിറ്റി എന്ന ബോര്‍ഡ് സ്ഥാപിച്ചു. പാതയോരം സൗന്ദര്യവല്‍ക്കരിക്കുന്നതിന് സ്‌കൂള്‍ ഗേറ്റിന് സമീപം വിദ്യാര്‍ഥികള്‍ പൂന്തോട്ടം വച്ചു പിടിപ്പിക്കുകയും ചെയ്തു. സ്‌കൂള്‍ പ്രിന്‍സിപ്പല്‍ കെ.സി സിജു പതാക ഉയര്‍ത്തി പരിപാടി ഉദ്ഘാടനം ചെയ്തു. പ്രോഗ്രാം ഓഫിസര്‍ ടി.പി റഹീം പദ്ധതി വിശദീകരിച്ചു. പി.ടി.എ പ്രസിഡന്റ് കെ.വി ബാലകൃഷ്ണന്‍, ഗ്രാമപഞ്ചായത്ത് അംഗം ജയരാജന്‍ പുത്തലത്ത്, പി.സി പുഷ്പ, പി.യു അനുപമ, പി.എസ് ധന്യശ്രീ, വൈശാഖ്, പി.ടി സുബി, ഡോ.കെ.എസ് സുമ, മീന കുവ്വ നേതൃത്വം നല്‍കി. എന്‍.എസ്.എസ് വളണ്ടിയര്‍ എസ് അക്ഷയ പ്ലാസ്റ്റിക് രഹിത പാതയോര പ്രതിജ്ഞ ചൊല്ലിക്കൊടുത്തു.