കോഴിക്കോട്: ബി.ജെ.പി ദേശീയ കൗണ്‍സില്‍ യോഗത്തിന് ഇന്ന തുടക്കമാകും. രാവിലെ പത്തു മണിക്ക് സ്വപ്നനഗരിയില്‍ പ്രത്യേകം തയ്യാറാക്കിയ വേദിയിലാണ് കൌണ്‍സില്‍ യോഗം ചേരുക.

പ്രാധാനമന്ത്രി നരേന്ദ്രമോദി പതാക ഉയര്‍ത്തും. പാര്‍ട്ടി ദേശീയ അധ്യക്ഷന്‍ അമിത്ഷാ കൗണ്‍സില്‍ യോഗം ഉദ്ഘാടനം ചെയ്യും. രാജ്യം ഉറ്റുനോക്കുന്ന രാഷ്ട്രീയ പ്രമേയം കൗണ്‍സിലില്‍ അവതരിപ്പിക്കും.

അതേസമയം ബി.ഡി.ജെ.എസ് അധ്യക്ഷന്‍ തുഷാര്‍ വെള്ളാപ്പള്ളി, സികെ ജാനു എന്നിവരുള്‍പ്പെടെയുള്ള നേതാക്കളുമായി പ്രധാനമന്ത്രി കൂടിക്കാഴ്ച്ച നടത്തുമെന്നാണ് സൂചന. പിന്നീട് ഉച്ചക്ക് ശേഷം നടക്കുന്ന ദീന്‍ദയാല്‍ ഉപാദ്ധ്യായ ജന്‍മശതാബ്ദി ആഘോഷവും പ്രധാനമന്ത്രി ഉദ്ഘാടനം ചെയ്യും.