ദോഹ: ഏഷ്യന്‍ സ്‌നൂക്കര്‍ ചാംപ്യന്‍ഷിപ്പില്‍ ഇന്ത്യന്‍ സൂപ്പര്‍ താരം പങ്കജ് അദ്വാനി സെമി ഫൈനലില്‍ കടന്നു. സിറിയയുടെ കരം ഫാത്തിമയെ പരാജയപ്പെടുത്തിയാണ് അദ്വാനി സെമിയിലെത്തിയത്. നേരത്തെ നടന്ന പോരാട്ടത്തില്‍ നാട്ടുകാരനായ ഇഷ്പ്രീത് ചന്ദയോട് ഇഞ്ചോടിഞ്ച് പോരാടിയാണ് അദ്വാനി ക്വാര്‍ട്ടറിലെത്തിയത്. മികച്ച പോരാട്ടം കാഴ്ച്ചവച്ച ഇഷ്പ്രീതിനെതിരേ 66-43 എന്ന സ്‌കോറിനാണ് അദ്വാനി വിജയിച്ചത്. സെമിയില്‍ തായ്‌ലന്‍ഡിന്റെ ക്രിറ്റ്‌സനുട്ട് ലെററ്റ്‌സത്തായാതോണ്‍ ആണ് അദ്വാനിയുടെ എതിരാളി.