കരുളായി: കൂലി വര്‍ധനവ് ആവശ്യപ്പെട്ട് കരുളായി വനമേഖലയിലെ ആദിവാസികള്‍ നടത്തിവന്ന സമരം അവസാനിച്ചു. കുറഞ്ഞ തോതില്‍ കൂലി കൂട്ടിയതിനെ തുടര്‍ന്നാണ് സമരം ഒത്തു തീര്‍പ്പായത്. കണ്‍വീനര്‍മാരും തൊഴിലാളികളും വ്യാഴാഴ്ച മുണ്ട@ക്കടവില്‍ നടത്തിയ ചര്‍ച്ചയിലാണ് കൂലി ധാരണയിലെത്തിയത്.
കൂടിയ കൂലി പ്രകാരം പുരുഷന്‍ മാര്‍ക്ക് 475 രൂപയും വനിതകള്‍ക്ക് 425 രൂപയും ലഭിക്കും.നേരത്തെയിത് യഥാക്രമം 450,400 രൂപ വീതമായിരുന്നു. കൂലികൂട്ടിയതിനെത്തുടര്‍ന്ന് വെള്ളിയാഴ്ച തൊഴിലാളികള്‍ പണിക്കിറങ്ങി. കരുളായി വനത്തിലെ മുണ്ട@ക്കടവ്, ശങ്കരന്‍കോട് കൂപ്പുകളിലാണ് ഇപ്പോള്‍ പണി നടക്കുന്നത്. പുതിയ തേക്കു തോട്ടങ്ങളിലെ അടിക്കാടുവെട്ടും വളമിടലുമാണ് നടക്കുന്നത്. തൊഴിലാളി സമരത്തെത്തുടര്‍ന്ന് ഒരു മാസത്തോളമായി പ്രവൃത്തി മുടങ്ങിക്കിടക്കുകയായിരുന്നു.
ജില്ലാ ലേബര്‍ ഓഫീസറുടെ നേതൃത്വത്തില്‍ മുന്‍പ് ചര്‍ച്ച നടത്തിയിരുന്നുവെങ്കിലും പരജയപ്പെടുകയായിരുന്നു. ശേഷം ആദിവാസികള്‍ ജില്ലാ കലക്ടറെ നേരില്‍ ക@ു പരാതി ബോധിപ്പിച്ചിരുന്നു.
കഴിഞ്ഞ ആഴ്ച ഉച്ചക്കുളം കോളനിയില്‍ വന്ന മാവോയിസ്റ്റുകള്‍ ആദിവാസികളുടെ സമരത്തിന് പൂര്‍ണ പിന്തുണ പ്രഖ്യാപിച്ചിരുന്നു. കാട്ടിനകത്തെ ആദിവാസികളുടെ മുഖ്യ വരുമാനമാര്‍ഗം കൂപ്പിലെ പണിയില്‍ നിന്നാണു കിട്ടുന്നത്. കാട്ടിലെ പണിക്കുള്ള സര്‍ക്കാര്‍ നിരക്ക് 423 രൂപയാണ്.
ഇതാണ് കണ്‍വീനര്‍മാര്‍ 475 ആക്കിനല്‍കുന്നത്. പണിക്ക് കാലതാമസം നേരിടാതിരിക്കാനാണ് താല്‍ക്കാലികമായി കൂലി കൂട്ടി നല്‍കിയത്.