പൂഞ്ഞാര്‍: ഗ്രാമപഞ്ചായത്തിന്റെ 2016-17 വര്‍ഷത്തെ വാര്‍ഷിക പദ്ധതിയുടെ ഉദ്ഘാടനം അങ്കണവാടി ജീവനക്കാര്‍ക്ക് അധികവേതനം നല്‍കി പൂഞ്ഞാര്‍ ഗ്രാമപഞ്ചായത്ത് പ്രസിഡന്റ് രമേഷ് ബി. വെട്ടിമറ്റം നിര്‍വഹിച്ചു.
കോട്ടയം ജില്ലയില്‍ ആദ്യമായാണ് ഒരു തദ്ദേശ സ്വയംഭരണ സ്ഥാപനം അങ്കണവാടി ജീവനക്കാര്‍ക്ക് അധികവേതനം നല്‍കുന്നത്. ഈരാറ്റുപേട്ട സി.ഡി.പി.ഒ സുശീല അധ്യക്ഷത വഹിച്ചു. യോഗത്തിന് പഞ്ചായത്ത് അംഗം ശ്രീമതി. ജിഷ സന്തോഷ് സ്വാഗതം ആശംസിച്ചു.
പഞ്ചായത്ത് അംഗങ്ങളായ ലീലാമ്മ ചാക്കോ, ഗീതാ ജെമിനി, സ്റ്റാന്റിങ് കമ്മിറ്റി ചെയര്‍മാന്‍ പ്രസാദ് തോമസ് എന്നിവര്‍ ആശംസയര്‍പ്പിച്ച യോഗത്തില്‍ അനിത ബാബു നന്ദിയര്‍പ്പിച്ചു.