കരുളായി: റെയ്ഞ്ചില്‍പെട്ട മുണ്ടക്കടവ് കോളനിയില്‍ വീണ്ടും മാവോയിസ്റ്റുകള്‍ എത്തി. ഇന്നലൈ വൈകീട്ട് എട്ടരയോടെയാണ് അഞ്ചംഗ സംഘം എത്തിയത്. വിവരം അറിഞ്ഞതിനെ തുടര്‍ന്ന് നിലമ്പൂര്‍ സി.ഐയും തണ്ടര്‍ ബോള്‍ട്ട് അംഗങ്ങളും സ്ഥലത്ത് പരിശോധന നടത്തി. കോളനി പരിസരത്ത് പൊലിസിനു നേരെ മാവോയിസ്റ്റുകള്‍ വെടി ഉതിര്‍ത്തതായും സൂചനയുണ്ട്. രാത്രി 11ഓടെ ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റയുടെ നേതൃത്വത്തിലുള്ള പൊലിസ് സംഘവും സ്ഥലത്തെത്തി. മൂന്നു മാസം മുന്‍പ് ഇതേ കോളനിയുടെ  സമീപ പ്രദേശമായ കാഞ്ഞീരക്കടവ് ഭാഗത്ത് വെച്ച് മാവോയിസ്റ്റുകള്‍ പൊലിസുമായി ഏഴ് റൗണ്ട് വെടി ഉതിര്‍ത്തിരുന്നു. കോളനിക്കാരുമായി മാവോയിസ്റ്റുകള്‍ യോഗം ചേര്‍ന്നതായി സൂചനയുണ്ടെങ്കിലും എന്തെല്ലാം കാര്യങ്ങള്‍ ചര്‍ച്ച ചെയ്തുവെന്ന് വ്യക്തമല്ല. നിലമ്പൂര്‍ സി.ഐ കെ.എം ദേവസ്യ, എസ്.ഐ മനോജ് പറയട്ട, പൂക്കോട്ടുംപാടം എസ്.ഐ അമൃതരംഗന്‍ എന്നിവരുടെ നേതൃത്വത്തിലുള്ള പൊലിസ് സംഘം സ്ഥലത്ത് പരിശോധന നടത്തി.