കോഴിക്കോട്: കോണ്‍ഫെഡറേഷന്‍ ഓഫ് ഓള്‍ ഇന്ത്യ റെയില്‍ യൂസേഴ്‌സ് അസോസിയേഷന്‍ മലബാര്‍ ഡെവലപ്പ്‌മെന്റ് കൗണ്‍സിലിന്റെ നേതൃത്വത്തില്‍ കേന്ദ്രമന്ത്രിമാര്‍ക്കു സ്വീകരണം നല്‍കി. കേന്ദ്ര റെയില്‍വേ മന്ത്രി സുരേഷ് പ്രഭുവുമായി വിവിധ സംഘടനകള്‍ കേരളത്തിലെ റെയില്‍വേയുടെ അടിസ്ഥാന പ്രശ്‌നങ്ങളടങ്ങിയ നിവേദനം നല്‍കി. കേന്ദ്ര നഗരവികസന മന്ത്രി എം. വെങ്കയ്യ നായിഡു, റെയില്‍വേ മന്ത്രി സുരേഷ് പ്രഭു, സഹമന്ത്രിമാരായ മനോജ് സിന്‍ഹ, രാജേന്‍ ഗോഹൈന്‍, ഗ്രാമവികസന മന്ത്രി നരേന്ദ്ര സിങ് തോമര്‍ എന്നിവരെ പൊന്നാടയണിയിച്ചാദരിച്ചു. ഷെവ, സി.ഇ ചാക്കുണ്ണി, കെ.ജെ ജോയ്, സി.സി മനോജ്, പി.ഐ അജയന്‍ ചടങ്ങില്‍ പങ്കെടുത്തു.