കണ്ണൂര്‍: വധശിക്ഷ ശരിയോ തെറ്റോ എന്ന വിഷയത്തില്‍ പൊതു പ്രവര്‍ത്തകര്‍ക്കായി നര്‍മവേദി കോളജ് ഓഫ് കോമേഴ്‌സ് ഓഡിറ്റോറിയത്തില്‍ സംഘടിപ്പിച്ച സംവാദം കെ.എസ്.ഇ.ബി മുന്‍ ഡെപ്യൂട്ടി ചീഫ് എന്‍ജിനീയര്‍ എ.വി മോഹനന്‍ ഉദ്ഘാടനം ചെയ്തു. നര്‍മവേദി പ്രസിഡന്റ് ആര്‍ പ്രഭാകരന്‍ അധ്യക്ഷനായി. കെ ശശിധരന്‍, കെ.ടി അശോകന്‍, കെ.പി ഗുണപ്രസാദ്, മൂസക്കുട്ടി പെരിങ്ങാടി, ലക്ഷമണന്‍, ശിവപ്രസാദ്, പി.സി അഹമ്മദ് പങ്കെടുത്തു. ചൂളം വിളിപ്പാട്ട് മത്സരത്തില്‍ ആഷിഷ് രാജ്, ദുര്‍ഗാ രാജേന്ദ്രന്‍, എഫ് റിച്ചാര്‍ഡ്, വി.വി ഉപേന്ദ്രന്‍, രാജന്‍ ചന്ദ്രോത്ത്, രാജന്‍ ബക്കളം വിജയികളായി. ഡോ.എ സത്യനാരായണന്‍ സമ്മാനം നല്‍കി.