മലപ്പുറം: മലയാള സര്‍വകലാശാലയുടെ രണ്ടാമത് ബിരുദദാന സമ്മേളനം ഒക്ടോബര്‍ ഒന്നിനു രാവിലെ 11.30നു അക്ഷരം ക്യാംപസിലെ രംഗശാല ഓഡിറ്റോറിയത്തില്‍ നടക്കുമെന്ന് വൈസ് ചാന്‍സലര്‍ കെ. ജയകുമാര്‍ വാര്‍ത്താസമ്മേളനത്തില്‍ അറിയിച്ചു. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് മുഖ്യാതിഥിയാവും. ഇ.ടി മുഹമ്മദ് ബഷീര്‍ എം.പി, സി. മമ്മുട്ടി എം.എല്‍.എ എന്നിവര്‍ പങ്കെടുക്കും.
 മലയാളസാഹിത്യം ലോകഭാഷകള്‍ക്ക് പരിചയപ്പെടുത്തുക എന്ന ലക്ഷ്യത്തോടെ പ്രമുഖ മലയാള കൃതികള്‍ പരിഭാഷപ്പെടുത്തുന്ന പദ്ധതിക്കും  തുടക്കം കുറിച്ചിട്ടുണ്ട്. ഒക്ടോബര്‍ 19 മുതല്‍ 24 വരെ നടക്കുന്ന ഫ്രാങ്ക്ഫര്‍ട്ട് ബുക്ക് ഫെയറില്‍ മലയാളസര്‍വകലാശാലയും പങ്കെടുക്കും.