കണ്ണൂര്‍: ഹംദര്‍ദ് ഓഫ്ക്യാംപസ് അനിശ്ചിതകാലത്തേക്ക് അടച്ചിട്ടു. ഡയറക്ടര്‍ പി മുഹമ്മദിനെ മാറ്റണമെന്നാവശ്യപ്പെട്ട് കഴിഞ്ഞ തിങ്കളാഴ്ച്ച മുതല്‍ പ്രതിഷേധ പരിപാടികള്‍ കോളജില്‍ നടന്നുവരികയായിരുന്നു. ഇന്നലെ ഒരു സംഘം വിദ്യാര്‍ഥികള്‍ പ്രകടനമായി എത്തി കോളജിന്റെ ഗെയ്റ്റ് താഴിട്ടു പൂട്ടി. വിദ്യാര്‍ഥികളുടെ സമരം രാഷ്ട്രീയ പാര്‍ട്ടികള്‍ ഏറ്റെടുക്കാന്‍ ശ്രമിച്ചത് ഡി.വൈ.എഫ്.ഐ യൂത്ത് ലീഗ് സംഘര്‍ഷത്തിന് വഴിവച്ചരിരുന്നു.
വിദ്യാര്‍ഥി പ്രതിനിധികളും മാനേജ്‌മെന്റുമായി കണ്ണൂര്‍ സിറ്റി പൊലിസ് നടത്തിയ ചര്‍ച്ചയില്‍ ഡയരക്ടറുമായി ചര്‍ച്ച നടത്താനും സമര ദിവസങ്ങളില്‍ നടന്ന ഇന്റേണല്‍ പരീക്ഷ വീണ്ടും നടത്താനും തീരുമാനമായിരുന്നു. എന്നാല്‍ ഡയരക്ടര്‍ ഇതുവരെ ചര്‍ച്ചയ്ക്ക് തയാറായില്ലെന്നും ഒരു പരീക്ഷ മാത്രം നടത്തി കണ്ണില്‍ പൊടിയിടാന്‍ ശ്രമിക്കുകയായിരുന്നുവെന്നും വിദ്യാര്‍ഥികള്‍ അരോപിച്ചു.
ഇന്നലെ വിദ്യാര്‍ഥികളെ കോളജ് ചെയര്‍മാന്‍ ഇ അഹ്മദിന്റെ സാന്നിദ്ധ്യത്തില്‍ ചര്‍ച്ചയ്ക്ക് ക്ഷണിച്ചിട്ടും ഇവര്‍ വരാന്‍ തയാറാകാതെ പ്രതിഷേധ പരിപാടികളുമായി റോഡിലിറങ്ങുകയായിരുന്നുവെന്ന് ഡയരക്ടര്‍ പി മുഹമ്മദ് പറഞ്ഞു.