തളിപ്പറമ്പ് : പാളയാട് കഴിഞ്ഞ ദിവസം അര്‍ധരാത്രിയുണ്ടായ തീപിടുത്തത്തില്‍ ഓട് മേഞ്ഞ ഇരുനില കെട്ടിടം ഭാഗികമായി കത്തി നശിച്ചു. കരിമ്പത്തെ അബ്ദുള്ള ഹാജിയുടെ ഉടമസ്ഥതയിലുള്ളതാണു കെട്ടിടം. ഇതിനു സമീപത്തായി മാലിന്യകൂമ്പാരത്തിനു തീയിട്ടിരുന്നു. ഇതില്‍ നിന്നു തീ പടര്‍ന്നതാണെന്നാണു സംശയം. അഗ്നിശമനസേനയെത്തിയാണു തീയണച്ചത്.
തളിപ്പറമ്പ് പുഷ്പഗിരിയിലെ സര്‍ബത്ത് റോഡില്‍ അബ്ദുള്‍ സലാമിന്റെ റബര്‍ ഉണക്കുന്ന പുകപ്പുരയ്ക്ക് തീപിടിച്ചു റബര്‍ ഷീറ്റുകള്‍ കത്തിനശിച്ചു. തീപിടുത്തം പെട്ടെന്നു ശ്രദ്ധയില്‍പെട്ടതിനാല്‍ കൂടുതല്‍ വ്യാപിക്കുന്നതു തടയാനായി.
ഉണക്കാനിട്ടിരുന്ന റബര്‍ഷീറ്റുകള്‍ മുഴുവനായും കത്തിനശിച്ചു.