കുന്ദമംഗലം: മുക്കം റൂട്ടില്‍ താഴെവരിട്യാക്കില്‍ നിയന്ത്രണംവിട്ട സ്വകാര്യബസ് റോഡരികില്‍ നിര്‍ത്തിയിട്ട ടിപ്പറിലിടിച്ചു. റോഡരികിലെ റഹ്മാനിയ മദ്‌റസാ-നിസ്‌കാരപ്പള്ളി കെട്ടിടത്തിലിടിച്ചാണ് ബസ് നിന്നത്. ടിപ്പര്‍ റോഡിന്റേയും മദ്‌റസാകെട്ടിടത്തിന്റേയും ഇടയിലുള്ള കിടങ്ങില്‍ വീണു.
കോഴിക്കോട് നിന്ന് മുക്കം ഭാഗത്തേക്ക് യാത്രക്കാരുമായി പോകുന്നതിനിടെ ബുധനാഴ്ച രാത്രി പത്തോടെയാണ് അപകടം. ബസില്‍ നിറയെ യാത്രക്കാരുണ്ടായിരുന്നെങ്കിലും ദുരന്തമൊഴിവായി.
നിസ്സാരപരുക്കുകളോടെ പത്തോളം പേരെ മെഡിക്കല്‍ കോളജില്‍ പ്രവേശിപ്പിച്ചിരുന്നെങ്കിലും ഇവരെ പിന്നീട് വിട്ടയച്ചു. മദ്‌റസാ-നിസ്‌കാരപ്പള്ളി കെട്ടിടത്തിനും ടിപ്പറിനും കേടുപാടുകള്‍ സംഭവിച്ചു.