കൂത്തുപറമ്പ്: എ.ബി.വി.പി നേതാവിനെ ആക്രമിച്ച് ഗുരുതരമായി പരുക്കേല്‍പ്പിച്ച കേസില്‍ രണ്ടു സി.പി.എം പ്രവര്‍ത്തകര്‍ അറസ്റ്റില്‍. സൗത്ത് ആമ്പിലാട്ടെ സനോഷ് (27), ടി.കെ റിജിന്‍രാജ് എന്നിവരാണ് അറസ്റ്റിലായത്. കഴിഞ്ഞ മാസം 24ന് രാത്രി പുറക്കളത്ത് വാടക വീട്ടില്‍ താമസക്കുന്ന എ.ബി.വി.പി പ്രവര്‍ത്തകനായ ജിഷ്ണു ചന്ദ്രനെ(19) ആക്രമിച്ച് പരുക്കേല്‍പ്പിക്കുകയായിരുന്നു. ഹോക്കി സ്റ്റിക്ക് കൊണ്ടുള്ള അടിയേറ്റ് ഇയാളുടെ ഇടതുകാലിന്റേയും വലതുകൈയുടെയും എല്ലു പൊട്ടിയിരുന്നു. കൂത്തുപറമ്പ് എസ്.ഐ കെ.ജെ വിനോയിയുടെ നേതൃത്വത്തിലാണ് പ്രതികളെ പിടികൂടിയത്. ഇരുവരേയും കൂത്തുപറമ്പ് ജുഡീഷ്യല്‍ മജിസ്‌ട്രേറ്റ് കോടതി റിമാന്‍ഡ് ചെയ്തു.