നോയിഡ: 2012ലെ പാര്‍ക്ക് സ്ട്രീറ്റ് കൂട്ട ബലാത്സംഗ കേസിലെ പ്രധാന പ്രതിയെ പൊലിസ് അറസ്റ്റ് ചെയ്തു. കഴിഞ്ഞ നാലു വര്‍ഷമായി ഇയാള്‍ ഒളിവിലായിരുന്നു. പിടിയിലായ ആളുടെ പേര് പൊലിസ് പുറത്തുവിട്ടിട്ടില്ല.


മൂന്ന് പ്രതികള്‍ കുറ്റക്കാരാണെന്ന് നേരത്തെ വിചാരണ കോടതി വിധിച്ചിരുന്നു.


ബലാത്സംഗം, ക്രിമിനല്‍ ഗൂഢാലോചന, മന:പൂര്‍വമായ ദേഹോപദ്രവമേല്‍പ്പിക്കല്‍ തുടങ്ങിയ കുറ്റങ്ങളാണ് അഡീഷണല്‍ സെഷന്‍സ് കോടതി കുറ്റക്കാര്‍ക്കു മേല്‍ ചുമത്തിയിരിക്കുന്നത്.



37 വയസുകാരിയായ സൂസെറ്റ് ജോര്‍ദനെ പാര്‍ക്ക് അവന്യൂ ഹോട്ടലില്‍നിന്നു രാത്രിയില്‍ വീട്ടിലെത്തിക്കാമെന്ന വ്യാജേന കൂട്ടികൊണ്ടുപോയി മാനഭംഗത്തിനിരയാക്കുകയായിരുന്നു. തുടര്‍ന്ന് റോഡില്‍ തള്ളുകയും ചെയ്തുവെന്നാണ് കേസ്.