ലക്‌നോ: ദേശീയ ഓപണ്‍ അത്‌ലറ്റിക്‌സ് ചാംപ്യന്‍ഷിപ്പില്‍ റെയില്‍വേസിനു കിരീടം. 274 പോയിന്റുകള്‍ നേടിയാണ് റെയില്‍വേസ് കിരീടം നേടിയത്. 187 പോയിന്റുമായി സര്‍വിസസ് രണ്ടാം സ്ഥാനത്തും 84 പോയിന്റുമായി ഒ.എന്‍.ജി.സി മൂന്നാമതും എത്തി. 78 പോയിന്റുകളുമായി കേരളം നാലാം സ്ഥാനത്ത്.പുരുഷ വിഭാഗത്തില്‍ 187 പോയിന്റുമായി സര്‍വിസസ് ഒന്നാം സ്ഥനത്ത് എത്തിയപ്പോള്‍ 115 പോയിന്റുമായി റെയില്‍വേസ് രണ്ടാമതും 30 പോയിന്റുമായി കേരളം മൂന്നാമതും നില്‍ക്കുന്നു. വനിതാ വിഭാഗത്തില്‍ റെയില്‍വേസ് 159 പോയിന്റുമായി ഒന്നാമതെത്തി. 64 പോയിന്റുമായി കര്‍ണാടകം രണ്ടാമതും 59 പോയിന്റുമായി ഒ.എന്‍.ജി.സി മൂന്നാമതും നില്‍ക്കുന്നു.
സര്‍വിസസിന്റെ മാല്‍കിത് സിങ് മികച്ച പുരുഷ താരമായും കര്‍ണാടകയുടെ എച്.എം ജ്യോതി മികച്ച വനിതാ താരമായും തിരഞ്ഞെടുക്കപ്പെട്ടു. മേളയില്‍ പിറന്ന ഏക ദേശീയ റെക്കോര്‍ഡ് റെയില്‍വേസിന്റെ അന്നു റാണി സ്വന്തമാക്കി. ജാവലിന്‍ ത്രോയിലാണ് താരത്തിന്റെ നേട്ടം.