കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ ഒക്ടോബര്‍ രണ്ടിന് 170 കേന്ദ്രങ്ങളില്‍ ആരംഭിക്കുന്ന സഹചാരി സെന്ററുകളുടെ സംസ്ഥാനതല ഉദ്ഘാടനം ഇന്ന് വൈകിട്ട് നാലിന് കോഴിക്കോട് ജില്ലയിലെ പെരുമണ്ണയില്‍ നടക്കും.
സമസ്ത കേരള ജംഇയ്യത്തുല്‍ ഉലമാ മുശാവറ അംഗം വാവാട് കുഞ്ഞിക്കോയ മുസ്‌ലിയാരുടെ അദ്ധ്യക്ഷതയില്‍ നടക്കുന്ന ചടങ്ങില്‍  പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം നിര്‍വഹിക്കും. സത്താര്‍ പന്തലൂര്‍,റശീദ് ഫൈസി വെള്ളായിക്കോട്,അബ്ദുറഹീം ചുഴലി,സയ്യിദ് മുബശിര്‍ തങ്ങള്‍, എം.വി കുഞ്ഞാമുഹാജി, ഡോ.അബ്ദുല്ല അമീര്‍ അലി, എം.വി ബാലന്‍ നായര്‍, ദിനേശ് പെരുമണ്ണ, ഒ.പി.എം അശ്‌റഫ് പ്രസംഗിക്കും.
പുതുതായി ആരംഭിക്കുന്ന സഹചാരി സെന്റര്‍ കോ-ഓര്‍ഡിനേറ്റര്‍മാരുടെ സംസ്ഥാനതല ശില്‍പശാല ഇന്നലെ കോഴിക്കോട്ട് നടന്നു. പ്രമുഖര്‍ ക്ലാസുകള്‍ക്ക് നേതൃത്വം നല്‍കി.