പനമരം: ദേശീയ ദുരന്തനിവാരണ സേന മാനന്തവാടി താലൂക്ക്തല മോക്ക്ഡ്രില്‍ പനമരം ടി.ടി.ഐല്‍ നടന്നു. ടീം കമാണ്ടര്‍ എ.കെ അമര്‍ ഉദ്ഘാടനം ചെയ്തു. മാനന്തവാടി തഹസില്‍ദാര്‍ ഇ.പി മേഴ്‌സി അധ്യക്ഷയായി. പനമരം വില്ലേജ് ഓഫിസര്‍ എം.ജെ തോമസ്, ടി.ടി.ഐ പ്രിന്‍സിപ്പല്‍ കെ.സി ജോസ് തുടങ്ങിയവര്‍ ചടങ്ങില്‍ പങ്കെടുത്തു. പ്രകൃതിദുരന്തം, മുങ്ങി മരണം തുടങ്ങിയ വിവിധ ദുരന്തങ്ങളില്‍ അകപ്പെടുന്നവരെ രക്ഷപ്പെടുത്തുന്നതിനായുള്ള പരിശീലനമാണ് എന്‍.ഡി.ആര്‍.എഫ് ടീം അസി. കമാണ്ടര്‍ രാജീവന്റെ നേതൃത്വത്തിലുള്ള സംഘം അവതരിപ്പിച്ചത്.
സ്റ്റുഡന്റ് പൊലിസ് കേഡറ്റസ്, പനമരം ആശ്രയ പാലിയേറ്റീവ് പ്രവര്‍ത്തകര്‍, ഇന്‍സൈറ്റ് ക്ലബ് അംഗങ്ങള്‍, വിദ്യാര്‍ഥികള്‍, പനമരം മെഡിക്കല്‍ ചാരിറ്റബ്ള്‍ ട്രസ്റ്റ് അംഗങ്ങള്‍ എന്നിവര്‍ പങ്കെടുത്തു.