തുവ്വക്കുന്ന്: പൈശാചികതയും കുടിലതയും വെടിഞ്ഞു നന്മയിലേക്കുള്ള പലായനമാണ് മുഹറം നമ്മെ ഓര്‍മപ്പെടുത്തുന്നതെന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍.
വര്‍ധിച്ചുവരുന്ന തീവ്രതയും അക്രമണവാസനയും ഉപേക്ഷിച്ച് സുകൃതവഴി തിരഞ്ഞെടുക്കുമ്പോഴാണു യഥാര്‍ത്ഥ ഹിജ്‌റ സംഭവിക്കുന്നത്. നല്ലതു തിരഞ്ഞെടുക്കാനും നല്ലതീരുമാനങ്ങള്‍ കൈക്കൊള്ളാനും പുതുവര്‍ഷം പ്രചോദനം നല്‍കണമെന്നും അദ്ദേഹം കൂട്ടിച്ചേര്‍ത്തു.
തുവ്വക്കുന്ന് യമാനിയ്യ കാമ്പസില്‍ സംഘടിപ്പിക്കപ്പെട്ട ഹിജ്‌റ സംഗമത്തിന്റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. അബൂബക്കര്‍ യമാനി അധ്യക്ഷനായി. അബ്ദുല്‍ ഗഫാര്‍ ഹുദവി, അനസ് വാഫി, സ്വാദിഖ് റഹ്മാനി, അസീസ് യമാനി, ജംശീര്‍ ഹുദവി, അബ്ബാസ് ഹാജി മത്തത്ത്, വി യുസുഫ് ഹാജി സംബന്ധിച്ചു.