മോസ്‌ക്കോ: ഇന്ത്യയുടെ ചെസ്സ് ഇതിഹാസം വിശ്വനാഥന്‍ ആനന്ദ് ടാല്‍ മെമ്മോറിയല്‍ ചെസ്സ് ചാംപ്യന്‍ഷിപ്പില്‍ ശക്തമായി തിരിച്ചെത്തി. അഞ്ചാം റൗണ്ട് പോരാട്ടം വിജയിച്ചാണ് ആനന്ദ് തിരിച്ചെത്തിയത്. ഇസ്രാഈല്‍ താരം ബൊറിസ് ജെല്‍ഫാന്‍ഡിനെ പരാജയപ്പെടുത്തിയാണ് ആനന്ദിന്റെ വിജയം. നേരത്തെ നാലാം റൗണ്ടില്‍ ആനന്ദ് റഷ്യയുടെ വ്‌ളാദിമിര്‍ ക്രാംനികിനോടു പരാജയപ്പെട്ടിരുന്നു.
വിജയത്തോടെ ആനന്ദ് പോയിന്റ് പട്ടികയില്‍ മൂന്നാം സ്ഥാനത്തെത്തി. ലീ ചോയ്‌ക്കൊപ്പം ആനന്ദ് മൂന്നാം സ്ഥാനം പങ്കിടുന്നു. നാലു റൗണ്ടുകള്‍ ബാക്കി നില്‍ക്കെ ഹോളണ്ടിന്റെ അനിഷ് ഗിരി ഒന്നാം സ്ഥാനത്ത് തുടരുന്നു.