മാറഞ്ചേരി: കോടത്തൂര്‍ എ .എം.എല്‍.പി സ്‌കൂളിനായി നിര്‍മിക്കുന്ന പുതിയ കെട്ടിടത്തിന്റെ ശിലാസ്ഥാപന കര്‍മം കേരള  വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ നിര്‍വഹിച്ചു. കോടത്തൂര്‍ സംരക്ഷണസമിതിയുടെ നേതൃത്വത്തില്‍ വിപുലമായ വികസന പരിപാടികളാണ് സ്‌കൂളില്‍ നടപ്പാക്കുന്നത്.
പുത്തന്‍പള്ളി ജാറം കമ്മിറ്റിയുടെ കീഴിലുള്ള സ്‌കൂളിലെ വികസന പ്രവര്‍ത്തനങ്ങള്‍ക്ക് പൂര്‍വവിദ്യാര്‍ഥികളാണ്  നേതൃത്വം നല്‍കുന്നത്. സ്മാര്‍ട്ട് ക്ലാസ് റൂം, മൈതാനം, ലൈബ്രറി, കുട്ടികള്‍ക്കുള്ള പാര്‍ക്ക്  എന്നിവ വികസന പദ്ധതികളില്‍ ഉള്‍പെടുന്നു.
ബ്ലോക്ക് പ്രസിഡന്റ് ആറ്റുണ്ണിതങ്ങള്‍ അധ്യക്ഷനായി. പെരുമ്പടപ്പ് ഗ്രാമപഞ്ചായത്ത് പ്രസിഡന്റ് പൊറാടത്ത് കുഞ്ഞുമോന്‍, ജില്ലാ പഞ്ചായത്ത് മെമ്പര്‍ സമീറ ഇളയിടത്ത്, കെ.കെ ബാലന്‍, വത്സകുമാര്‍, സുനില്‍ എം, സക്കീര്‍ ഹുസൈന്‍, കബീര്‍ പി.വി, ലീല ടീച്ചര്‍, കോടത്തൂര്‍ സംരക്ഷണസമിതി ചെയര്‍മാന്‍  പി.വി.എം അബ്ദുള്‍ സത്താര്‍ സംസാരിച്ചു.