മുട്ടില്‍: വയനാട് ഓര്‍ഫനേജ് വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ ഗാന്ധിജയന്തി വാരാചരണത്തിന്റെ ഭാഗമായി 'അറിയപ്പെടാത്ത മഹാത്മജി' എന്ന വിഷയത്തില്‍ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് സെമിനാര്‍ നടത്തി. കല്‍പ്പറ്റ ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്‍മുഖന്‍ ഉദ്ഘാടനം ചെയ്തു. എ.ഡി.എം കെ.എം രാജു അധ്യക്ഷനായി. മുന്‍ ഡയറ്റ് പ്രിന്‍സിപ്പല്‍ ഡോ. പി ലക്ഷ്മണന്‍ മുഖ്യപ്രഭാഷണം നടത്തി. ഡബ്ല്യു.എം.ഒ വൈസ് പ്രസിഡന്റ് പി.കെ അബൂബക്കര്‍, പി.ടി.എ പ്രസിഡന്റ് യു. ഇബ്രാഹിം, വി.എച്ച്.എസ്.സി വിഭാഗം പ്രിന്‍സിപ്പല്‍ ബിനുമോള്‍ ജോസ്, ഹയര്‍സെക്കന്‍ഡറി പ്രിന്‍സിപ്പല്‍ പി. അബ്ദുള്‍ ജലീല്‍, പി.വി മൊയ്തു, ജില്ലാ ഇന്‍ഫര്‍മേഷന്‍ ഓഫീസര്‍ കെ.പി അബ്ദുള്‍ ഖാദര്‍, ജെസ്സിപോള്‍ സംസാരിച്ചു. വിദ്യാര്‍ഥികള്‍ സ്‌കൂള്‍ പരിസര ശുചീകരണം നടത്തി. ശുചിത്വ പ്രതിജ്ഞയെടുക്കുകയും ചെയ്തു. സ്‌കൂളിലെ ശുചീകരണ യജ്ഞത്തിന് അന്‍വര്‍ ഗൗസ്, പി ജാഫര്‍, പി.പി മുഹമ്മദ്, പി ശ്രീജ, കെ റംലത്ത് എന്നിവര്‍ നേതൃത്വം നല്‍കി. ഗാന്ധിജിയുടെ വിവിധ ജീവിത ഘട്ടങ്ങള്‍ കോര്‍ത്തിണക്കിയ പബ്ലിക്കേഷന്‍ ഡിവിഷന്‍ ആര്‍ക്കൈവ്‌സില്‍ നിന്നും എത്തിച്ച ചിത്രങ്ങളിലെ ഗാന്ധി എന്ന ഫോട്ടോ പ്രദര്‍ശനവും നടത്തി.