മണ്ഡി: ഹിമാചല്‍ പ്രദേശിലെ മണ്ഡിയില്‍ ബസ് കൊക്കയിലേക്ക് മറിഞ്ഞ് 12 പേര്‍ മരിച്ചു. 43 പേര്‍ക്ക് പരുക്കേറ്റു. ധരംശാലയില്‍ നിന്ന് റീകോങ് പിയോയിലേക്കു പോവുകയായിരുന്ന ട്രാന്‍സ്‌പോര്‍ട്ട് കോര്‍പ്പറേഷന്‍ ബസാണ് അപകടത്തില്‍പ്പെട്ടത്. തലസ്ഥാന നഗരിയായ ഷിംലയില്‍ നിന്ന് 200 കിലോമീറ്റര്‍ അകലെയാണ് അപകടം നടന്ന സ്ഥലം. മരണസംഖ്യ ഇനിയും കൂടാന്‍ സാധ്യതയുണ്ടെന്ന് പൊലിസ് അറിയിച്ചു. പരുക്കേറ്റ നിരവധി പേര്‍ ഗുരുതരാവസ്ഥയിലാണ്.