കൊല്ലം: പട്ടികജാതി വികസന വകുപ്പ് മുഖേന വിദ്യാഭ്യാസ ആനുകൂല്യത്തിന് അര്‍ഹത നേടിയിട്ടുള്ള വിദ്യാര്‍ഥികള്‍ക്ക് നിബന്ധനകള്‍ക്ക് വിധേയമായി ലാപ്‌ടോപ്പ് വാങ്ങുന്നതിന് ധനസഹായം നല്‍കും.
ജില്ലയിലെ സ്ഥാപനങ്ങളില്‍ 2016-17 അധ്യയന വര്‍ഷം ഒന്നാംവര്‍ഷ ബി ടെക്, എം ടെക്, എം.സി.എ കോഴ്‌സുകള്‍ക്ക് പഠിക്കുന്ന പട്ടികജാതി വിഭാഗത്തില്‍പ്പെട്ട അര്‍ഹരായ വിദ്യാര്‍ഥികളുടെ ലിസ്റ്റ് 25 നകം വിദ്യാഭ്യാസ സ്ഥാപന മേധാവികള്‍ കൊല്ലം ജില്ലാ പട്ടികജാതി വികസന ഓഫീസര്‍ക്ക് നല്‍കണം.
പരമാവധി തുക 25000 രൂപ. വിദ്യാര്‍ഥിയുടെ പഠനകാലയളവില്‍ ഒരു പ്രാവശ്യം മാത്രമേ ആനുകൂല്യം അനുവദിക്കൂ. വിശദ വിവരങ്ങള്‍ ജില്ലാ പട്ടികജാതി വികസന ഓഫീസിലും 047427994996 എന്ന നമ്പരിലും ലഭിക്കും.