കൊല്ലം: ഉപതെരഞ്ഞെടുപ്പ് നടക്കുന്ന കൊല്ലം കോര്‍പറേഷന്‍ കയ്യാലയ്ക്കല്‍ ഡിവിഷനില്‍ യു.ഡി.എഫ് സ്ഥാനാര്‍ഥിയായി മത്സരിക്കുന്ന മുസ്‌ലിം ലീഗിലെ കൊല്ലൂര്‍വിള നാസിമുദീന്‍ നാമനിര്‍ദേശ പത്രിക സമര്‍പ്പിച്ചു. മുസ്‌ലിം ലീഗ് ജില്ലാ പ്രസിഡന്റ് എ.യൂനുസ്‌കുഞ്ഞ്, ജനറല്‍ സെക്രട്ടറി എം.അന്‍സാറുദീന്‍, സംസ്ഥാന വര്‍ക്കിംഗ് കമ്മിറ്റി അംഗം എ.അബ്ദുല്‍ റഹുമാന്‍, കെ.പി.സി.സി സെക്രട്ടറി എ ഷാനവാസ്ഖാന്‍, ഡി.സി.സി ഭാരവാഹികളായ എസ് നോള്‍ഡ്. എസ് വിപിന ചന്ദ്രന്‍, പി.ജര്‍മിയാസ്, ആര്‍.എസ്.പി നേതാവ് സജി ഡി. ആനന്ദ് തുടങ്ങിയവര്‍ ഒപ്പമുണ്ടായിരുന്നു. ഇതിനു മുന്നോടിയായി നടന്ന പ്രകടനത്തില്‍ നൂറുകണക്കിന് പ്രവര്‍ത്തകരും പങ്കെടുത്തു.