പെരിന്തല്‍മണ്ണ:  നഗരസഭയുടെ ജീവനം പദ്ധതിയുടെ ഭാഗമായുള്ള തരിശുനില കൃഷി പ്രോത്സാഹന പദ്ധതിയുടെ ഭാഗമായി പെരിന്തല്‍മണ്ണ ബൈപ്പാസിലെ പതിനഞ്ചു ഏക്കര്‍ നെല്‍ പാടത്ത് നഗരസഭാ കൗണ്‍സിലര്‍ മാരും സംഘവും ചേര്‍ന്ന് ഞാര്‍ നട്ടു. നഗരസഭയുടെ ശുചിത്വവും ജൈവ കൃഷിയും പ്രോത്സാഹിപ്പിക്കാനുള്ള പദ്ധതിയാണ് ജീവനം. ഈ പദ്ധതിക്ക് കീഴില്‍ കഴിഞ്ഞ 18 വര്‍ഷമായി തരിശിട്ടിരിക്കുന്ന ബൈപ്പാസ് പാടത്ത് നിലമൊരുക്കിയാണ് കൃഷിക്ക് അനുയോജ്യമാക്കിയത്. ചെയര്‍മാന്‍ എം.മുഹമ്മദ് സലീം ഞാറു നടീല്‍ ഉദ്ഘാടനം ചെയ്തു. വൈസ് ചെയര്‍മാന്‍ നിശി അനില്‍രാജ്, പ്രതിപക്ഷ നേതാവ് ഉസ്മാന്‍ താമരത്ത് തുടങ്ങിയവര്‍ നേതൃത്വം നല്‍കി.