അരീക്കോട്: എന്‍ എസ് എസ് വളന്റിയര്‍മാര്‍ ഉഗ്രപുരം ഖാദി നൂല്‍നൂല്‍പ്പു കേന്ദ്രം സന്ദര്‍ശിച്ചു. മൂര്‍ക്കനാട് സുബലുസ്സലാം ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളന്റിയര്‍മാരാണു ഗാന്ധിയന്‍ ജീവിതരീതികളെയും ഖാദി ഉല്‍പന്നങ്ങളേയും കുറിച്ചു പഠനം നടത്താനായി ഖാദി കേന്ദ്രത്തിലെത്തിയത്.
കേന്ദ്രത്തിലെ തൊഴിലാളികളോടൊപ്പം വിദ്യാര്‍ഥികള്‍ ഏറെ നേരം ചെലവഴിച്ചു.
ഖാദി ഉല്‍പന്നങ്ങളെക്കുറിച്ചുള്ള ചര്‍ച്ച പഞ്ചായത്ത് അംഗം എം.പി ഭാസ്‌കരന്‍ ഉദ്ഘാടനം ചെയ്തു.
ജല്‍സി ഖദീജ അധ്യക്ഷയായി. സത്യഭാമ, രാജാമണി, മുഹമ്മദ് സബീല്‍, സ്‌നേഹ, ശില്‍പ, ലസില്‍, ജുമാന, ഇര്‍ഷാദ്, ഖലീല്‍ പ്രോഗ്രാം ഓഫിസര്‍ എം കൃഷ്ണനുണ്ണി എന്നിവര്‍ സംബന്ധിച്ചു.