തേഞ്ഞിപ്പലം: കാലിക്കറ്റ് സര്‍വകലാശാല കാന്റീനിലെ ജീവനക്കാരിയെ കാണാനില്ലെന്നു സഹോദരന്‍ ജില്ലാ പൊലിസ് മേധാവിക്കു പരാതി നല്‍കി. ചേലേമ്പ്ര കൊളക്കാട്ടചാലി പലയക്കോട്ട് ഭാസ്‌കരന്റെ  മകള്‍ ഷീനയാണ് ഒക്ടോബര്‍ ഒന്നു മുതല്‍ കാണാതായിരിക്കുന്നത്. രാവിലെ കാന്റീനിലേക്ക് പോയ 37 കാരിയായ ഷീനയെ രാത്രി ഏഴു കഴിഞ്ഞിട്ടും കാണാത്തതിനാല്‍ വീട്ടുകാര്‍ അന്വേഷിക്കുകയായിരുന്നു. യുവതിയുടെ കൈവശം ആറു പവന്‍ സ്വര്‍ണാഭരണവും 12650 രൂപയും ഉണ്ടായിരുന്നുവെന്ന് എസ്.പിക്കു നല്‍കിയ പരാതിയില്‍ പറയുന്നു.
അന്വേഷണത്തില്‍ കാന്റീനിലെ ജീവനക്കാരനുമായി അടുപ്പമുണ്ടായിരുന്നതായും പരാതിയില്‍ പറയുന്നു. ജീവനക്കാരന്‍ കാന്റീനില്‍ പറഞ്ഞ അഡ്രസും ബന്ധുക്കളുടെ വിവരവും തെറ്റാണെന്നു വ്യക്തമായിട്ടുണ്ടെന്നും പരാതിയിലുണ്ട്.
തേഞ്ഞിപ്പലം പൊലിസില്‍ ഒക്ടോബര്‍ ഒന്നിനു പരാതി നല്‍കിയിരുന്നെന്നും എസ്പിക്കു നല്‍കിയ പരാതിയിലുണ്ട്.