പെരിന്തല്‍മണ്ണ:  മലഞ്ചരക്കു മോഷണ കേസിലെ പ്രതികളെ കസ്റ്റഡിയില്‍ വാങ്ങി തെളിവെടുപ്പു നടത്തി. സംഘം വില്‍പ്പന നടത്തിയ നാലര ലക്ഷം രൂപയുടെ ഏഴു കിന്റലോളം കുരുമുളകും ഒന്നര ലക്ഷം രൂപയുടെ അഞ്ചര കിന്റലോളം കൊട്ടടക്കയും മൂന്നു ജില്ലകളിലെ വിവിധ കടകളില്‍ നിന്നായി പ്രത്യേക അന്വേഷണ സംഘം കണ്ടെണ്ടടുത്തു.
കടുങ്ങപുരം വില്ലേജ് പടി ഓട്ടുപറമ്പന്‍ റഷീദ്(45), തിരൂര്‍ക്കാട് ഓട്ടുപറമ്പന്‍ അജ്മല്‍(21) എന്നിവരെയാണു കസ്റ്റഡിയില്‍ വാങ്ങി തെളിവെടുപ്പു നടത്തിയത്. പ്രതികള്‍ മലപ്പുറം, പാലക്കാട്, കോഴിക്കോട് ജില്ലകളിലെ വിവിധ സ്ഥലങ്ങളിലെ ഏകദേശം 35 ഓളം മലഞ്ചരക്കുകടകളില്‍ നിന്നു ലക്ഷകണക്കിനു രൂപയുടെ കുരുമുളക്, കൊട്ടടക്ക, ജാതിക്ക, എന്നിവയും കളവു ചെയ്്തു വില്‍പ്പന നടത്തിയതായി ചോദ്യം ചെയ്യലില്‍ സമ്മതിച്ചു.
വാടകക്കെടുത്ത വാഹനങ്ങളില്‍ കറങ്ങിയാണു മോഷണം നടത്താറുള്ളത്.  കടകളിലെ ഉടമകളോ ജോലിക്കു നില്‍ക്കുന്നവരോ എന്തെങ്കിലും ആവശ്യത്തിനു പുറത്തു പോകുന്ന സമയത്ത് പ്രതികള്‍ മോഷണം നടത്താറാണു പതിവ്. വളരെ പെട്ടന്നു കളവു നടത്തി കാറുമായി കടന്നുകളയും. ഉടമസ്ഥരും നാട്ടുകാരും അറിയുന്നതിനു മുമ്പേ പ്രതികള്‍ രക്ഷപ്പെടും.
ഇത്തരത്തില്‍ ജില്ലക്കകത്തു പല സ്ഥലങ്ങളില്‍ കളവുകള്‍ നടന്നുവരവേ കഴിഞ്ഞ മാസം ഒന്‍പതിനു പാണ്ടണ്ടിക്കാട് സ്റ്റേഷന്‍ പരിധിയിലെ ഒറവമ്പ്രത്തുള്ള ഒരു മലഞ്ചരക്കു കടയില്‍ പകല്‍ സമയത്ത് കുരുമുളകു ചാക്കുമായി പ്രതികള്‍ ഇയോണ്‍ കാറില്‍ കയറി പാണ്ടണ്ടിക്കാട് ഭാഗത്തേക്ക്  പോകവേ നാട്ടിലൊരാള്‍ പെരിന്തല്‍മണ്ണ ഡിവൈഎസ്പി മോഹനചന്ദ്രനെ അറിയിക്കുകയായിരുന്നു. ജില്ലയില്‍ രജിസ്റ്റര്‍ ചെയ്ത ഇയോണ്‍ വൈറ്റ് കാറുകളെക്കുറിച്ചു മോട്ടോര്‍വാഹന ഡിപ്പാര്‍ട്ട് മെന്റിലെ വിവരങ്ങളെ അടിസ്ഥാനമാക്കി സൈബര്‍സെല്ലിന്റെ സഹായത്താല്‍ നടത്തിയ അന്വേഷണത്തിലാണു സംഘത്തെക്കുറിച്ചു പോലീസിന് വിവരം ലഭിച്ചത്. ഇവരുടെ അറസ്‌റ്റോടെ പോലീസിന് തലവേദന സൃഷ്ടിച്ച ഒട്ടേറെ കേസുകള്‍ക്ക് തുമ്പുണ്ടണ്ടാക്കാനും നഷ്ടപ്പെട്ട മുതലുകള്‍ കണ്ടെണ്ടത്തുന്നതിനും സഹായിക്കും.
ഡിവൈഎസ്പി മോഹനചന്ദ്രന്‍, എസ്.ഐ ജോബി തോമസ്, മോഹന്‍ദാസ് കരുളായി, പി.എന്‍ മോഹനകൃഷ്ണന്‍, മോഹന്‍ദാസ് കരുളായി, ദിനേശ് കിഴക്കേക്കര, മന്‍സൂര്‍ വിളയാടി, ഫാസില്‍ കുരിക്കള്‍, പി.കെ അബ്ദുസലാം, അഭിലാഷ് കൈപ്പിനി, ടി.സലീന എന്നിവര്‍ ചേര്‍ന്നാണു പ്രതികളെ തെളിവെടുപ്പു നടത്തിയത്.