പാലക്കാട്: 1995 ജനുവരി ഒന്നു മുതല്‍ 2016 സെപ്റ്റംബര്‍ 30 വരെയുള്ള കാലയളവില്‍ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ കഴിയാതിരുന്നവര്‍ക്കും, എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് ഗ്രേസ് പിരിയഡ് ഇതേ കാലയളവിനിടയില്‍  അവസാനിച്ചവര്‍ക്കും സീനിയോറിറ്റി പുതുക്കാന്‍ അവസരം. രജിസ്‌ട്രേഷന്‍ കാര്‍ഡില്‍ പുതുക്കല്‍ സമയം 1994 ഒക്ടോബര്‍  മുതല്‍ 2016 ജൂലൈ വരെ രേഖപ്പെടുത്തിയവര്‍ക്കാണ് അവസരം. ഇതിനായി രജിസ്‌ട്രേഷന്‍ കാര്‍ഡും, സര്‍ട്ടിഫിക്കറ്റുകളും സഹിതം അവസാനം രജിസ്‌ട്രേഷന്‍ ചെയ്ത എംപ്ലോയ്‌മെന്റ് എക്‌സ്‌ചേഞ്ചില്‍ ഒക്‌ടോബര്‍ 31 വരെ അപേക്ഷിക്കാമെന്ന് ജില്ലാ എംപ്ലോയ്‌മെന്റ് ഓഫിസര്‍ അറിയിച്ചു.
    സീനിയോറിറ്റി പുനസ്ഥാപിക്കുന്നവര്‍ക്ക് രജിസ്‌ട്രേഷന്‍ റദ്ദായ കാലയളവില്‍ തൊഴില്‍ രഹിതവേതനം ലഭിക്കുന്നതല്ല.