കുന്ദമംഗലം: കാരന്തൂര്‍-മെഡിക്കല്‍കോളജ് റോഡരികില്‍ കൊളായ്താഴത്ത് കക്കൂസ് മാലിന്യം തള്ളി. കഴിഞ്ഞദിവസം അര്‍ധരാത്രിയാണ് അഞ്ജാതര്‍ ടാങ്കര്‍ ലോറിയില്‍ കോണ്ടുവന്ന കക്കൂസ് മാലിന്യം തള്ളി കടന്നുകളഞ്ഞത്.
 ജനവാസകേന്ദ്രത്തില്‍ വന്‍തോതില്‍ മാലിന്യം തള്ളിയതുമൂലം സമീപത്തെ കിണറുകള്‍ മലിനമാകുമോയെന്ന ഭയത്തിലാണ് നാട്ടുകാര്‍. ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ കുറ്റക്കാര്‍ക്കെതിരേ നടപടി സ്വീകരിക്കണമെന്നാവശ്യപ്പെട്ട് കൊളായ്താഴം കൈരളി വായനശാല അധികൃതര്‍ മെഡിക്കല്‍ കോളജ് പൊലിസില്‍ പരാതി നല്‍കിയിട്ടുണ്ട്.