തേഞ്ഞിപ്പലം: മേലെചേളാരി അങ്ങാടിയില്‍ ട്രാന്‍സ്‌ഫോര്‍മറിലെ ഫ്യൂസ്‌കാരിയറുകള്‍ തുറന്നുകിടക്കുന്നത് അപകട ഭീഷണിയുയര്‍ത്തുന്നു. ടൗണില്‍ ബസ് സ്റ്റോപ്പിനടുത്താണ് സുരക്ഷാ വേലിയോ മറ്റ് സുരക്ഷയോ ഇല്ലാതെ ട്രാന്‍സ്‌ഫോര്‍മര്‍ നില്‍ക്കുന്നത്. എ.ടി.എ കൗണ്ടരിനു തൊട്ടടുത്തായും വിദ്യാര്‍ഥികള്‍ സ്ഥിരം വഴിനടക്കുന്ന ഏരിയയിലുമാണ് അപകഭീഷണിയായി ട്രാന്‍സ്‌ഫോര്‍മര്‍ ഉള്ളത്.
സുരക്ഷാ സംവിധാനമൊരുക്കാന്‍ വാര്‍ഡംഗം എ.പി സലീം കെ.എസ്.ഇ.ബി അധികൃതരോട് ആവശ്യപ്പെട്ടിരുന്നെങ്കിലും പ്രത്യേക ഫണ്ടില്ലെന്നായിരുന്നു മറുപടി.