പുളിക്കല്‍: ചെറുകാവ് പഞ്ചായത്തിലെ ചാമപറമ്പ് പള്ളിയിലുണ്ടായ അക്രമസംഭവങ്ങള്‍ റിപ്പോര്‍ട്ട് ചെയ്യാനെത്തിയ സുപ്രഭാതം പ്രാദേശിക ലേഖകന്‍ എന്‍.എം കോയയെ മര്‍ദിക്കുകയും കാമറ തകര്‍ക്കുകയും ചെയ്ത അക്രമികളെ ഉടന്‍ അറസ്റ്റ് ചെയ്യണമെന്നു പുളിക്കല്‍ മേഖലാ എസ്.കെ.എസ്.എസ്.എഫ് ഭാരവാഹികളായ പി.ടി ഹിബത്തുള്ള, ജാഫര്‍ പേങ്ങാട്, ജംഷീര്‍ ആല്‍പറമ്പ്, സലാം കൊട്ടപ്പുറം, സലാം ആലുങ്ങല്‍, ജാഫര്‍ ദാരിമി തോണിക്കല്ലുപാറ എന്നിവര്‍ ആവശ്യപ്പെട്ടു.
പൊലിസിന്റെ മുന്നില്‍വച്ചു ലേഖകനെ മര്‍ദിച്ച കുറ്റവാളികളെ  ഉടന്‍ അറസ്റ്റ് ചെയ്തു നിയമത്തിന് മുന്നില്‍ കൊണ്ടുവരാത്തപക്ഷം ശക്തമായ പ്രക്ഷോഭം ആരംഭിക്കുമെന്നും ഭാരവാഹികള്‍ മുന്നറിയിപ്പ് നല്‍കി. കാന്തപുരം വിഭാഗത്തിന്റെ അക്രമത്തില്‍ പരുക്കേറ്റ എന്‍.എം കോയയെ ഭാരവാഹികള്‍ സന്ദര്‍ശിച്ചു.