മലപ്പുറം: മോട്ടോര്‍ വാഹനവകുപ്പും പൊലിസും സംയുക്തമായി നടത്തുന്ന ജില്ലയിലെ സ്‌കൂള്‍ വാഹനങ്ങളുടെ പരിശോധനയുടെ ഭാഗമായി ഇന്നലെ 280 ബസുകള്‍ പരിശോധിച്ചു.
ഇതില്‍ ഫിറ്റ്‌നസില്ലാത്ത ഒരു ബസും സ്പീഡ് ഗവര്‍ണര്‍ പ്രവര്‍ത്തനരഹിതമായ അഞ്ചുബസുകളും പെര്‍മിറ്റില്ലാത്ത ഒരു ബസും കണ്ടെത്തി. അനുഭവപരിചയമില്ലാത്ത ഇല്ലാത്ത നാല് ഡ്രൈവര്‍മാരെയും കണ്ടെത്തി. 18 വാഹനങ്ങളുടെ സര്‍വീസ് നിര്‍ത്തിവയ്ക്കുവാനും നിര്‍ദേശം നല്‍കിയിട്ടുണ്ട്.  മലപ്പുറം, തിരൂര്‍, നിലമ്പൂര്‍, പെരിന്തല്‍മണ്ണ,തിരൂരങ്ങാടി, പൊന്നാനി എന്നിവടങ്ങളിലെ 33 വിദ്യാലയങ്ങളിലാണ് ഇന്നലെ പരിശോധന നടത്തിയത്.