കൊണ്ടോട്ടി: കരിപ്പൂര്‍ വിമാനത്താവളത്തില്‍ എത്തിയ മുഖ്യമന്ത്രി പിണറായി വിജയനെ യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചു. ഇന്നലെ രാത്രി എട്ടോടെയാണ് സംഭവം. കൊച്ചിയില്‍ നിന്ന് കരിപ്പൂര്‍ വഴി കോഴിക്കോട്ടേക്ക് പോവുകയായിരുന്ന മുഖ്യമന്ത്രിക്കെതിരേ പ്രതിഷേധ മുദ്രാവാക്യം മുഴക്കിയ പ്രവര്‍ത്തകര്‍ കരിങ്കൊടി എറിയുകയായിരുന്നു.
സ്വാശ്രയ വിഷയത്തില്‍ മുഖ്യമന്ത്രിയുടെ ഏകാധിപത്യത്തിനെതിരെയായിരുന്നു യൂത്ത്‌കോണ്‍ഗ്രസ് പാര്‍ലമെന്ററി കമ്മിറ്റിയുടെ പ്രതിഷേധം. പ്രവര്‍ത്തകരെ പിന്നീട് പൊലിസ് നീക്കി.
റിയാസ് മുക്കോളി, ജൈസല്‍ എളമരം, ലത്തീഫ് കൂട്ടാലുങ്ങല്‍ എന്നിവരുടെ നേതൃത്വത്തിലാണ് പ്രതിഷേധസമരം നടന്നത്.