കാഞ്ഞങ്ങാട്: റോഡ് റോളര്‍ യന്ത്രം ദേഹത്ത് കയറി തൊഴിലാളി മരിച്ചു. കഴിഞ്ഞ ദിവസം ഉച്ചയ്ക്ക് ശേഷം ചിത്താരി ചാമുണ്ഡിക്കുന്നിലാണ് അപകടം നടന്നത്. അപകടത്തില്‍ കെ.എസ്.പി. റോഡ് നിര്‍മാണ തൊഴിലാളിയായ ബംഗാള്‍ സ്വദേശി ഹൗളി ബിനോയ് (46) ആണ് മരിച്ചത്. കെ.എസ്.ടി.പി റോഡ് നിര്‍മ്മാണ ജോലികള്‍ നടന്നു വരുന്നതിനിടയിലാണ് അപകടം.

റോഡ് റോളര്‍ യന്ത്രം പിറകോട്ടെടുക്കുന്നതിനിടെ തൊട്ടടുത്തുണ്ടായിരുന്ന ബിനോയ് യന്ത്രത്തിന് അടിയില്‍പെടുകയായിരുന്നു.

ഗുരുതരമായി പരുക്കേറ്റ ഇയാളെ കാഞ്ഞങ്ങാട്ടെ സ്വകാര്യ ആശുപത്രിയിലും തുടര്‍ന്ന് മംഗളൂരുവിലെ ആശുപത്രിയിലും കൊണ്ട് പോയി. രാത്രിയോടെ ബിനോയ് മംഗളൂരുവിലെ ആശുപത്രിയില്‍ വച്ച് മരിക്കുകയായിരുന്നു.

വിവരമറിഞ്ഞ് ഹൊസ്ദുര്‍ഗ് പൊലിസ് മംഗളൂരുവിലെത്തി മൃതദേഹം ഇന്‍ക്വസ്റ്റ് നടത്തി. പോസ്റ്റുമോര്‍ട്ടത്തിന്‌ശേഷം മൃതദേഹം ബംഗാളിലേക്ക് കൊണ്ടുപോകും.